Die afgelope week het verskeie bronne berig dat onderwysers, meer spesifiek Wiskunde-onderwysers van graad 3, 6 en 9, die JNA toetse sal moet skryf wat hul leerders skryf.
Volgens die Minister, Angie Motshekga, sal onderwysers nie te gou hierdie toetse hoef te skryf nie. Dit sal natuurlik eers deur vakbonde goedgekeur moet word soos SADOU. Met SADOU se reputasie sal dit ook heel waarskynlik nie binnekort gebeur nie.
Die toetse sal ook net vir navorsingsdoeleindes gebruik word en onderwysers sal nie daarvolgens gemeet word nie. Omdat hierdie toetse net vir hierdie doeleindes gebruik sal word, wonder ons wat die punt daarvan sal wees. Gaan dit nie tog net op die ou end ander navorsing ondersteun wat dui daarop dat baie van ons onderwysers swak toegerus is nie? ‘n Onderwyser wat 100% kry vir ‘n graad 3 toets beteken tog ook nie dat daardie onderwyser die vaardighede het om dit optimaal oor te dra aan leerders nie?
Wat dink julle?
