Wenke vir jou volgende onderhoud

Is jy onlangs ingeroep vir ‘n onderhoud? Nie seker wat om te verwag nie?

Nie almal van ons is goed daarmee om op ons tone te dink wanneer daar ‘n paneel is wat besig is om vir jou punte te gee nie; daarom het ons vir die Onnies Online-gemeenskap gevra om vir hul mede-onnies raad te gee.

Onnies het op die Onnies Online Facebookblad die volgende raad gegee asook ‘n paar vrae wat moontlik gevra kan word:

Doen bietjie navorsing oor die skool waar jy aansoek doen dat jy oor die noodsaaklikse inligting beskik. Lees bietjie na oor gedragskodes, skoolbeleide, verantwoordelikhede van leerders, opvoeders, beheerliggame, werkgewer en dink goed voordat jy veral persoonlike vrae antwoord. Gee net genoeg inligting om die vraag te beantwoord en wees begeesterd oor al jou ko-kurrikulere vermoëns.

Hoe hanteer jy n kind on n klas wat buite beheer is?
Wat is jou swak en sterk punte?
Wat is die slaagvereistes van jou vak.
Hoe kan jy n verskil maak by die skool?
Wat verstaan jy onder die term ASSESSERING en hoe gaan jy dit toepas op ‘n effektiewe manier?
Ken die skool se visie en missie!
Wat kan jy as individu die skool, sy leerders en ouers en omgewing bied?
Hoe hanteer jy konflik tussen kollegas?
Hoekom kies jy ons skool en nie een van die ander skole in die omgewing nie?
Ken die IQMS proses en die slaagvereistes.
Onthou jou swakpunte moet omgeskakel word in positiewe punte.
Noem 2 van jou sterkpunte en ook 2 swakpunte….
Die pos se omskrywing moet ook in gedagte gehou word!
Moet asseblief nie kougom kou nie!
Wat doen jy as twee kinders baklei?